النجاح الإخباري - حسمت الفنانة رانيا محمود ياسين الجدل بخصوص إصابة والدها الفنان الراحل محمود ياسين بمرض الزهايمر قبل وفاته، وذلك حينما ردت على أحد متابعيها في التعليقات مؤخرا عن هذا الأمر بكتابة كلمات أوضحت فيها الموضوع بشكل كامل حين كتبت: "أبويا كان عنده الله يرحمه درجة خفيفة من درجات الزهايمر بمعنى أنه كان عنده ضعف في الذاكرة القريبة لأنه لآخر لحظة فاكرنا كلنا، عارف هو مين بيعرب الكلمة لو سمعها غلط يقول الصح بتاعها، وعلشان كده أميرة يا حبيبتى وطنط رجاء الله يرحمها فرحت وبكت لما لقيته عارفها؛ لأن الناس كانت فاهمة إن المرض متمكن منه، وده مش عارف حد، وده مش حقيقي خالص، والمرض عمره ما كان عيب ولا حرام الله يرحمه ويغفر له ويسكنه فسيح جناته، وده للتوضيح فقط وادعوا له وادعوا لي يربط على قلبي وقلب أسرتي كلها".
وكانت أميرة مختار ابنة الفنانة الكبيرة الراحلة رجاء الجداوي، قد أوضحت أنه لا صحة لما تداولته بعض المواقع والصحف وعلى السوشيال ميديا، فيما يتعلق بانفعال رانيا محمود ياسين عليها في عزاء الراحل محمود ياسين، حيث قالت أميرة عبر حسابها على فيس بوك: "من كام يوم اتكتب إن فيه خلاف بيني وبين صديقتي رانيا محمود ياسين، وده ملوش أصل من الصحة، وتداولوا بعض الفيديوهات من العزاء، وكانت تبدو فيه إن رانيا منفعلة، لكن الحقيقة أن رانيا كانت منفعلة علشاني مش عليا، وأنا ورانيا لسه قفلين مع بعض التليفون وبنسأل بعض وهو إيه اللى بيحصل ده".
من جانبها علقت رانيا محمود ياسين على الأمر قائلة: "صحيح أنا مش رايقة للرد على اللي اتقال بافتراء الأسبوع الماضي؛ لأن حزني مش مخليني أفكر في حاجة غير بابي، لكن شكرا يا أميرة إنك وضحتي للناس الحقيقة، وإني كنت زعلانة علشانك؛ لأن في ناس تجاوزوا معاكي لما كتبتي بوست وإني مكنتش زعلانه منك لكن عليكي، ربنا يهدى الناس الغريبة".
واستشهدت رانيا محمود ياسين بالآية القرآنية: "يا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ".
