النجاح الإخباري - وجهت الفنانة حلا شيحة رسالة للنساء، مطالبة فيها كل فتاة بعدم التقليل من نفسها والبعد عن أي رجل لم يعطها قدرها، لافتة أن المرأة قوية وتمتلك صفات يفتقدها العديد من الرجال.
وكتبت قائلة: "الست قوية فعلاً.. قوتها في طيبة قلبها وحنيتها.. سر قوتها في ضعفها أحياناً وجمالها في بساطتها".
واضافت: "الست فعلاً قوية لأنها مخلوقة بفطرتها أم تمتلك ملَكة خاصة غير موجودة عند الرجل لتتحمل ظروف الحياة وصعوبتها مع تربية أولادها واهتمامها ببيتها وزوجها.. الست قوية فعلاً علشان ربنا خلقها جميلة بكل تفاصيلها".
واردفت :"الست القوية لازم تتأكد أنها قوية لأن جواها سر الحياة كلها، بتبني وبتربي وتكبر، وبإيدها بتزرع كل الخير والسعادة، وأولادها بيكملوا طريق الحياة لحياة أفضل.. الست قوتها في أنوثتها وهدوئها وابتسامتها وثقتها في نفسها.. وكوني دايماً قوية تعرفي قيمة وجودك وأنت غالية وعالية".
وتابعت موجهة النصيحة لجميع متابعاتها: "إوعي تقللي من نفسك ولا من مشاعرك ولا طيبة قلبك ولو حبيتي إنسان مقدرش ده فيكي سيبيه فوراً ومتخليش طاقته السلبية تأثر فيكي أو تفقدك ثقتك في نفسك".
واختتمت كلامها قائلة: "الست القوية دي كل واحدة فينا جوانا كوني قوية علشان نفسك وحبايبك اللي محتاجينك.. لكل ست عربية أُكِن لكي كل الاحترام والتقدير وأعرف إن كثير من السيدات يعانوا من صعوبات الحياة افتكروا دايما أنتن الأجمل والأقوى".
