وكالات - النجاح الإخباري - نشرت الفنانة اللبنانية باميلا الكيك حسابها على "إنستغرام"، وكتبت: "عندي 3 أفلام بالصالات. مين اللي بيكون جوعان الشهرة أنا ولا حضرتك؟ الدفع بهالأيام صار أكثر من 500$ لحدا (ينبعت) يكسر ويجبر. الصحافي الموضوعي غايب عن الوعي بيظهر".
وأضافت: "بالنهاية ما بيصح إلا الصحيح واحزرو شووو الصحيح؟ الحق ما بيموت والحقيقة ما إلا وجّين ولا إلا لونين، معلوماتك غلط اسمحلي وأنا احترمتلك ردك بتمنى العكس. لا شيء شخصي يا عزيزي ".
وعن تعليقها بشأن الفنانة نادين نسيب نجيم تابعت: "وأنا ما قلت لازم تكون أكاديمية. أنا ممثلة مش دارسة تمثيل والعلامة اشتغلت عحالي وصرلي 13 سنة. هيدا أول وآخر أطول رد بعملو بحياتي بس لأنك تستاهل".
وأرفقت الرسالة بالتعليق: "بغضّ النّظر إنّي كنت طالعة أصلاً بمقابلة إلي المفروض مش عليّي. بس المونتاج مع شخص متلي لابسة روحا عوجّا واقفة بظلّ الشمس قدّام ناس ما عارفانين حالن بالعتمة. كفانا حقد وكراهية وتحريف سلبي للقصص. بشّعنا الإنسان لوصلنا لحياة بلا بركة، خوف من الآخر، خوف من قول الحقيقة. شو حلو. صرنا ما منخاف نكذّب بس منخاف نقول الحقيقة... زمن. أنا الله فيّي ومعي واذا هو معي. فمن عليّ؟ حبّوا حالكن بليز لتعرفوا تحبّوا غيركن. بالطيارة بتساعد حالك لتقدر تساعد اللي حدّك نو؟".
ويأتي هذا على خلفية رد فياض عليها ضمن تقرير لبرنامج The Insider بالعربي حيث أشار إلى أن إثارتها لموضوع ملكات الجمال محاولة منها للفت الأنظار.
